IKASGAIAREN MAPA KONTZEPTUALA

Mapa Kontzeptuala

View more presentations from ogc4.

EZ AL DA GEHIEGIZKOA?

Ikastetxe honetan, arbela digitala erabiliz, Saio Kolektibo bat nola burutzen duten ikus dezakegu:

BiTxIkErI iNtErAkTiBoA!!!

MAHAI INTERAKTIBOAK

Arbela digitalari lotuta, bitxikeria gisa, Ukipeneko Mahai Interaktiboak aurkitu ditugu.

Haur Hezkuntzan aplikatzeko asmatutako teknologia baten aurrean gaude. Talde lana sustatzeko asmoarekin egina dago eta edozein heziketa-softwarea onartzen du. Mahaia gainontzeko unitate periferikoekin konektatzen den ordenagailu batek osatzen du. Erabilera errazeko tresna da, ukipen pantaila sakatzea besterik ez baita behar ekintza ezberdinak burutzeko.

Honakoak dira ezaugarri nagusiak:

- Ikasleen lanaren administrazioa eta kontrola.
- Moodle eta Scrom-en garatutako edukiekin bateragarria.
- Cuadernia-rekin garatutako edukiekin bateragarria.
- Mahai guztien arteko konexioa, elkarren artean ekintzen eta dokumentuen trukea ahalbidetuz.
- Web orrialdeen zerbitzaria.
- Beste zentroetako mahaiekin wifi konexioa, hauekin elkar lana ahalbidetuz.
- Ikasle bakoitzaren erabilpen estatistikak.
- Taldeko edo bakarkako frogen eraketa eta ebazpena.
- Mahai interaktiboarentzat garatutako berariazko edukiak.
- Cancha 2.0 –ren edukiekin bateragarria.
- Videostreaming eta bideokonferentzien zerbitzaria.

Jarraian azaltzen den bideoan Mahai Interaktibo baten adibidea ikus daiteke:

Egunkarirako Artikulua: ARBELA DIGITALAREN INGURUAN

Hainbat eskoletan arbela digitala dagoela ikusi ahal izan dugu, baina, honen inguruan dagoen ezjakintasuna nabaria da. Nahiz eta eskura eduki, praktikan jartzeko orduan, irakasleen aldetik beldurrak, arazoak, segurtasun eza, etab. bezalako jokabideak dira nagusi. Hau dela eta, horrenbesteko inbertsio ekonomikoa eskatzen duen arbela honi ez zaio erabilpenik ematen.



Gure aitona-amonen garaia bizi izan bagenu teknologia faltaz kexatuko ginateke, baina garai teknologiko honetan bizi garela, prest al gaude hainbesteko aurrerapena barneratzen joateko? Egunero agertzen dira aurrerapen teknologikoak eta oso zaila da erritmo hori jarraitzea.

Egungo gizartean, non kontsumismoa eta konforta gure helmugara iristeko bidelagunak diren, teknologien izugarrizko eragina jasaten dugu eta beraienganako izugarrizko dependentzia sortu da. Gauza guztiek bezala, alderdi onak eta txarrak dituztela esan liteke, egin beharrekoa gauza positiboak negatiboen gainetik jartzea da, probetxua ateratzeko. Alabaina, orokorrean, egia da bizitza erosoagoa bihurtu digutela.

Teknologiaren aurrerakuntzak abantaila ugari eskaini dizkigu, hala ere, hezkuntzaren kasuan, hauenganako dependentziak norberaren abilezien kaskartzea ekar dezake. Teknologiek umeengan duten eragina handia da. Askotan, gurasoek lan egun amaigabeak burutzen dituzten bitartean umeek kultura internetetik, bideo-jokoetatik edo telebistatik jasotzen dute. Hori dela eta, eskolan ere teknologiarekiko menpekotasuna sustatu behar al dugu gehiegizko baliabide berritzaileak erabiliz? Oraingo umeek aspaldiko umetako jolasak alde batera utzi dituzte teknologia hauen zirrarak bultzaturik. Eskola ere, ohizko material aberasgarria material teknologikoarengatik ordezkatzen hasi da. Honi buelta ematea ezinbestekoa dela uste dugu, haurrei teknologien erabilgarritasuna transmititu behar diegu, hauen erabilpen egokia eta neurrizkoa eginez, baina dependentzia ekidin behar dugu kosta ala kosta.

Arbela digitalari dagokionez, argi dago, erosotasun eta berehalakotasun handiko tresna dugula. Ikasgelarentzat informazio multimedia eta interaktiboaren iturri agorrezin azkarra dugu. Irakasleak ez ditu ikasleak begi bistatik galduko eta zuzenean ukipen-pantailan idazteko aukerak lana asko errazten du. Halaber, ikerkuntza ezberdinen arabera, heziketa premia bereziak behar dituzten ikasleei laguntza emateko bereziki eraginkorrak dira tresna digital hauek.

Hala ere, arrazoi hauek guztiek nahikoa pisua al dute errentagarritasuna ateratzeko horrelako tresna garestiari? Ez al dira interes ekonomikoak atzetik bultzaka datozenak? Irakaskuntza metodologiaren eta irakaskuntza/ikaskuntza prozesuaren berrikuntzaren aurrean gaude ala irakaslearentzat erosoagoa izango den transmisio modu baten aurrean al gaude soilik? Gaur egun bizi dugun gizartearekin bat datorren ikasketa esanguratsuago bat lortzeko bidea al da?

Bestalde, ez dugu ahaztu behar irakaslerian sor daitekeen arazoa. Irakasle asko eta asko ez daude horrelako teknologiak erabiltzera ohituta eta ez dute formakuntza egokirik hauek erabiltzeko. Beraz, aparailu berriak erabiltzeko egiten den inbertsioari irakasleriaren formakuntzari dagokiona gehitu beharko genioke.

Amaitzeko, Haur Hezkuntzako irakasle izango garenez, Arbela digitalak ziklo honetan duen aplikazio mailari egingo diogu erreferentzia orain, zuzen-zuzenean. Izango ditugun ikasleen adinei begiratuz gero, ez diogu zentzu handiegirik aurkitzen baliabide honi eskolako txikienen ikasgelan. Lan handia dago haur hauekin egiteko, bestelako arloetakoa, hain zuzen ere, eta nahikoa ikusten dugu ordenagailua eta honek eskaintzen dituen aukera ezberdinenak gure ikasleak poliki-poliki IKTen mundura gerturatzeko.

2. LANA: Arbela Digitala

ARBELA DIGITALA

View more documents from ogc4.

AMARA BERRIKO IKT-een APOSTUA

Amara Berriko Ikastolak, metodologia berritzaileen inguruan egiten duen apostua indarrean dagoela ikusi dugu. Teknologien inguruan jarraitzen duten lan metodoa, hedabideen gai jorratuz, IKT-ekiko gertutasuna edota lehen kontaktua erraztea dute helburu.

Hedabideak, haurrek egindako lanei eta soilik haurrek egindakoei zentzua ematea, hau da, zertarako egiten duten lana eta proiekzio soziala eskaintzea dute onuragarri. Modu honetan lan egiteak, haurrak motibatuagoak egongo dira eta egiten dutenaren emaitza jasotzean, gogotsu eta interesatuak egotea ahalbidetuko du. Oso aberasgarriak diren hedabideak hiru eremutan lantzen dituzte:

1. Irratia
2. Telebista
3. Prentsa
4. TxikiWeb-a
   

Guzti hau, ikastolak duen gela independiente batean burutuko da eta antolaketari ere garrantz handia ematen diotela ere eipatu behar da. Honengatik ez balitz, proiktuak aukera ematen duen etekinaren % handi bat galduko litzateke.

Bukatzeko, orokorrean IKT-en mundura gerturatzeko oso metodo egokia dela ikusi dugu hedabideena. Haurraren zirrara eta nahiak jorratzen dituen metodoak erabiliz gero, lortuko dugun emaitza hobetu ezin daitekenaren parekoa izatea lortuko baitugu. Hala ere, taldean hitz egin ondoren ez dugu ulertzen horren apostu erakargarria soilik Amara Berriko Ikastolan aurrera eraman izana. zergaitik ditu Amara Berrik proiektu honek eskatzen dituen baliabide ugari hauek eskura? Beste ikastolei aukera hau lantzeko oztopoak jartzen al dizkiete edo agian erraztasunak Amara Berriri?

IKASYS PROIEKTUA

Ikastola Elkarteen eskutik, 2000. urtean garatutako proiektua da Ikasys. 6-16 urte bitarteko haur

rei zuzendutakoa da eta bi helburu nagusi ditu oinarri:

1. Konpetentzia orokor eta espezifikoen lorpenerako baliabideak garatzea.
2. Behar pedagogikoei erantzutea.

Lehenengo puntuan aipatzen den lorpena, hiru eremu garrantzitsuetan banatzen da: jakintza (kontzeptuak, datuak...), egiten jakitea (prozedurak, trebetasunak...) eta izaten jakitea (jarrera). Baliabide multzo honetako eremuak modu independientean garatzea ezinbestekoa izango da, egoera jakin bati irtenbidea eraginkortasunez emateko.

Bigarren puntuan aipatzen diren behar pedagogikoak aztertzeko orduan, hiru dira azpimarratzekoak. Lehenik eta behin, ikasle bakoitzak duen erritmoa errespetatzea egongo litzake. Irakasleok garbi izan behar dugu aniztasunaren kontzeptua, hau da, gure betebeharra ikasle taldea ein batean norabide berdinean eta bloke bezala aurrera ateratzea izango da, beti ere, egoerak e

ta pertsona bakoitzak eskatzen duen beharren arabera noski.

Ondoren, edukiak, ariketak eginez zein buruz ikasis barneratu behar direnaren balorea legoke. Eta azkenik, Ikasys Proiektuak garrantzi handiena ematen dion balorea daukagu, ikasle bakoitzaren berezitasunei erantzuteko ariketa pertsonalizatuak lantzea hain zuzen. Alderdi hau aitzitik aipatutako erritmo ezberdinen errespetuarekin legoke lotuta eta honako hau irakaskuntzarako oso aberasgarria den baliabidea dela esango genuke.

Behin proiktuaren nondik norakoa azaldu ondoren, aipatutako helburuak bete ahal izateko proiektuak zehaztutako osagaiak zeintzuk diren izendatuko ditugu:

• Hardware-ak: Ikasbook, armairua+wifi routerra eta web zerbitzaria

• Software-ak: designer(sortzaileen aplikazioak), trainer(ikasleen aplikazioa) eta inspector(irakasleen aplikazioa)

• Eduki Curricularrak

Azalpena bukatu eta borobiltzeko, proiektuak gauza onuragarriak lantzen dituela ikusi dugu, pertsonaren autonomiaren indartzea eta ikaslearen izaera eraikitzea adibidez. Baina, proiektuaren osotasunerako, elkarlanaren balorea jorratzea bota dugu faltan.

IKERKUNTZA PROIEKTUAREN PLANIFIKAZIOA

Zer gai landuko dugu? Nortzuk?
Zertarako eta zer egiteko?
Nola, noiz?
Zein informazio iturri erabiliko dugu?
...

Ikerkuntza proiektua planifikazioa

View more presentations from ogc4.